ég bara skil ekki hvað kom fyrir blogghluta heilans við barnsburðinn... það bara dó eitthvað ég get næstum svarið það... Ég bara veit aldrei hvað ég á að tjá mig um, hef einhvernveginn á tilfinningunni að það nenni voða fáir að lesa um eintómar móðurtilfinningar sem bærast um í hjarta mínu þessa dagana. En engu að síður ætla ég bara aðeins að tjá mig um þessar tilfinningar... bera þær aðeins á torg... kannski að bloggið verði bara móðurtilfinningatorg... eða ekki, hver veit?

en allavega..... Hann Sammi minn er bara alger engill, það vantar bara vængina og bauginn, en ég er nokkuð viss um að ég hef séð móta fyrir vængjum. Hann er þó farinn að taka upp á því mér til mikillar mæðu að vakna eitthvað eldsnemma á morgnana... úff er ekki alveg að fíla það. Ég hélt að það myndi breytast með ástinni á barninu og allt það en nei... ég er enn jafn löt á morngana og reyni eftir fremsta megni að plata hann eins og hægt er. Sting upp í hann snuðinu í þeirri von um að það sé nóg, tek hann svo upp í svo það sé auðveldara að stinga snuðinu... en eftir nokkrar mislukkaðar tilraunir játa ég mig sigraða og rís upp frekar úldin og mygluð. Í hvert skipti mætir mér þetta fallega bros, held að þetta sé fallegasta bros sem ég hef séð á ævi minni og auðvitað getur maður ekki verið úrillur lengi þegar maður hefur svo fallegt bros fyrir augunum. Því förum við gjarnan framm saman og fáum okkur morgunmat. Sammi reyndar borðar sinn gjarnan uppí rúmi fær svona brekfast in bed sörvis, en svo kemur hann fram með mér á meðan ég borða og les bakþanga fréttablaðsins. Þetta gerist oft í kringum 6 eða 7 en svo sofnum við aftur þegar prinsinn þreytist.

Afi hans er voða stoltur af nafna sínum að vera svona morgunhress, telur að þetta fylgi nafninu að hann kunni að meta góðar morgunstundir. Ég er ekki frá því að þetta sé rétt hjá honum og er því farin að leggja drög að því að finna morgunsvæfa manneskju til að skíra næsta barn í höfuðið á.... tek það fram að næsta barn er ekki alveg á leiðinni strax, en það er betra að vanda valið í tíma

sagði vogamærin og sinnti barninu

Ég var að horfa á Nágranna eftir hádegi einn daginn þegar síminn minn byrjaði að hringja, frekar lágt að vísu, en ég var nokkuð viss um að heyra í honum. En þegar ég næ í símann var bara ekkert að gerast það, enginn að hringja og ekkert miss call.... hmmmm skrítið, kannski að ég sé farin að heyra raddir.....

Um kvöldið kom Pétur heim og ég var að elda, þá heyri ég símann hringja aftur og pétur ítrekar við mig að síminn sé að hringja.... en hvað... aftur gerist það sama... ekkert að gerast í símanum.... hmmm skrítið.

Þá segir pétur... nú kannski að þetta hafi verið í sjónvarpinu, og hvað var í sjónvarpinu... jú jú, verið að endursýna nágranna.

Þannig að ég er greinilega með sömu hringingu og einhver af átrúnaðargoðunum í grönnum, mér datt í hug "hey kúl" en svo fór ég að hugsa málið betur, er nokkuð svo kúl að hafa sömu hringingu og einhver í grönnum.... á maður yfir höfuð að veita því athygli að maður hafi sömu hringingu og einhver í grönnum.... maður spyr sig.....

hvað finnst þér

Sagði vogamærin - alveg í vandræðum

ég gerði merka uppgötvun í dag, en ég uppgötvaði með sjálfir mér hvernig námi í sönglist Íslands er háttað...

Námið í sönglistinni er svo sem ekki nýtt af nálinni en fyrir ca þremur árum eða fjórum var námið endurbætt og gert með nýju sniði.... þetta er fjórða árið núna held ég og er enn búið að breyta grunn áfanganum lítillega. Eftirfarandi er námsskráin í Sönglist Íslands:

SÖN103: Nemendur læra að taka óyfirvegaðri og svínslegri gagnrýni ásamt því að læra að tjá tilfinningar sýnar með ýmist mikilli gleði eða mörgum tárum. Ekki er unnt að hleypa í gegn nema takmörkuðum fjölda nemenda og eru því bestu nemendurnir sem komast áfram. Á önninni fara fram nokkur skyndipróf og þeir nemendur sem falla á prófunum detta jafnóðum út úr áfanganum. Þeir sem sýna mestu framfarir og bestu getuna fá til viðbótar kennslu í framkomu, vali á lögum, aðstoð við að útsetja miðað við eigin getu og smekk, aðstoð við að skapa sinn stíl. Námið leggur mikla áherslu á raunveruleg verkefni og fer því lokahluti námskeiðsins fram í Vetrargarðinum í Smáralind. Lok námskeiðsins einkennist af vikulegum prófum þar sem reynir á hversu mikið nemendur hafa lært á námskeiðinu og er einn nemandi dæmdur til þess að falla í viku hverri. Einungis er hægt að útskrifa einn nemanda eftir hvert námskeið sem fær tækifæri til að vinna með fagmönnum að plötu sem ekki er tryggt að slái í gegn.

SÖN203: forkrafa er áfanginn SÖN103. Nemendur þurfa að hafa staðið sig mjög vel í fyrri áfanga og hafa náð nokkrum skyndiprófum þar ef ekki öllum. Áfanginn er próflaus og er einungis veitt einkunn fyrir frammistöðu í verkefnum. Nemendur þurfa sjálfir í að finna sér vettvangsstaði, útgefanda, umboðsmann og stýlista. Nemendur læra að koma sér áfram á Íslandi, öðlast reynslu í markaðssetningu, fá frekari þjálfun í námsefni fyrri áfanga. Áfanganum lýkur með geislaplötu á íslenskum jólamarkaði og segja sölutölur til um framhaldið.

SÖN303: forkrafa SÖN103, SÖN203 og/eða hæfni í markaðssetningu ásamt klíkuskap. Nemendur fá enn frekara tækifæri til að sanna sig á sviði listarinnar, verkefnin eiga að teljast raunveruleikatengd og lýkur áfanganum með þátttöku á lokakvöldi íslenska Evróvísíjónsins. Einungis er einn nemandi útskrifaður á hverju ári, en áfangann má taka aftur þegar hann er kenndur, annars er valin hentugur nemandi sem þykir líklegur til að ná Samræmduprófi í Evrópu.

SÖN403: Undanfari: enginn af ofangreindum áföngum og að hafa Einar Bárðar sem umboðsmann. Verkefnin eru raunveruleikatengd og fara fram á erlendum vettvangi eftir mislanga þjálfun á Íslandi. Þeir nemendur sem verða heimsfrægir á Íslandi fá að prófa ýmsa vettvangsstaði erlendis. Nemendur fá að auki þjálfun í myndbandagerð, tónleikahaldi og að vera á vinsældarlista í einhvern tíma. Náminu lýkur um það leiti sem nemandinn brennur út.

Sagði vogamærin sem mætti ekki í sönglistaskólann